離開是為了回來

掉棄這個空間很久，完全失去生活方向和重心，人生宣告完全迷失，經過2年時間學習和體會，學了很多新的人生技能， 人由內到外感覺重生。

流浪久了，是時候回來。新的自己，新年快樂🎈

港女出巡記：蠔食西環 Taylor Shellfish Farms

星期日的早上最幸福的事, 莫過於訓到自然醒, 再搵間美味餐廳享受一個Brunch.

 

講起Taylor Shellfish Farms , 系西環, 大坑, 大圍, 新界都有分店, 最正就系今次去既西環店逢週六,日都開全日到午夜12點, 岩晒訓到晏一晏既你.

 

餐廳門外設置兩張高檯方便吸煙人士, 而內裡以工業金屬設計為主, 再配合西環老香港既環境, 帶出了假日休閒味.

 

我都太誇張, 一坐底就黎一杯紅酒, 呢度既紅酒一枝枝叫, 如果要一杯呢, 就只有一種選擇 (hkd 68/杯).

 

一坐底先黎半打生蠔, 今次以Creamy 生蠔為主打, 以下會逐隻遂隻介紹 (當然由淡味食到濃味)

 

Ireland Majestic (hkd 49/pc) : 味道系清新有點海水味,帶子位都系鮮甜

 

 

French Ostra Regal (hkd 59/pc) : 食到中段開始滲出甜味, 蠔味系口中久久不走

 

 

 

New Zealand Kiwa (hkd 59/pc) : ****這個超推介!  蠔肉不但肥美, 味道偏濃, 非常Creamy, 吃後還有少朮麻麻的感覺, 店長表示來貨時間7,8,9月, 錯過了就要下年.

 

 

吃完半打嘛.............就系再來半打!

 

 

USA Kumamoto (hkd 29 /pc) : 原產系日本九州, 雖然佢個子小, 但肉質柔滑, 味道鮮甜.

 

 French La Boite A Bijoux (hkd 69/pc): 帶點礦物味, 蠔身滑溜.

 

 

 

 

French Gillardall (hkd 49/ pc) : 呢種蠔要培養至少2個月, 肉質肥美, 層次細膩, 具海洋鮮味同乳香味.

 

 

之後, 當然要來個熱盆暖暖胃, 由於他們的生蠔太好味, 所以想試埋佢地既青口,

 

澳洲白酒煮青口 (hkd 148)  *青口有3款選舉(美國,澳洲,法國) / 味度有4款選擇 (白酒/忌廉/冬蔭公/辣蕃茄)

 

因為一食左先記起未影相, 所以唯有影堆殼留念

 

吉列芝士蝦球8件 (hkd 58) , 海鮮配炸野簡直是絕配!

 

已經8成飽, 但都要叫個 fish n chips.

 

呢間餐廳都講究, 連 fish n chips 用既魚都有四種選擇(石班,海鱸,青衣,銀鱈)

 

最後選擇了石班炸魚(配薯條) (hkd 118)

 

今次食完...已經諗定下次幾時黎 =)

 

 

Taylor Shellfish Farms
地址: 西環 西營盤高街80-86號麗賢閣地下C及D舖
電話: 2549 3130

港女出巡記:雲海日本料理 Unkai Japanese Cuisine

多謝openrice,令這篇食評成位「焦點食評」

當初我系Sheraton Hotel 蠔吧常客, 都唔記得邊個介紹我話呢度既鐡版燒同樣不錯.

今次故事既開始系打黎book 位食晚餐既時候只剩底壽司吧......由於打風既關係, 所以老娘既生日晚餐, 由原本坐壽司吧檯轉為有房坐, yeah !

一坐底當然黎枝Sake, 呢度既細枝裝(300ml) 都有4-5款選擇, 由味道較淡到較辣都有, 而且冷/熱飲都得!

 

 

服務生建議我地兩個人可以叫一個壽司餐 (HKD 850) 同 一個鐡版燒餐 (HKD 1150), 由點菜同酒都有人比方向我地, 真系慳吾少腦力.

 

 

 

上面系前菜, 中間黃色果舊你以為系壽司, 其實系甜蓄薯再配腌魚

嘩....對壽司完全沒有抵抗力............

 

 

下面個天婦羅好正! 除左皮薄, 仲要系野菜加蝦肉混種, 這個推介!

當然少不了鐡版燒必食的牛, 今次選了美國安格斯, 5成熟, 剛剛好

 

呢個誘惑人既龍蝦, 個蝦頭最後既下場系用黎整湯

 

 

 

有膏龍蝦頭湯, 野味炒飯 yum yum

 

 

 

以下呢3兄弟出席, 代表左呢一餐既作結.

 

 

 

嗯...同花盃,松菱,山下 比較, 呢度既食材的確比下去, 但我食得好舒服, 因為呢度雖然系酒店, 但佢地既餐廳人員個個超 Friendly,  完全無拘謹既感覺, 反而會教我地用咩信用卡最抵, 仲可以賺Asia Miles!

 

如果想試試呢間野, 其實佢中午有 " 傳統大阪鐵板燒午餐放題 ", 大胃朋友岩晒你你你~~

 

 

 

雲海日本料理
地址: 尖沙咀 彌敦道20號香港喜來登酒店3樓
電話: 2369 1111

 

 

港女出巡記：蟹膳Kanizen 貴族級蟹宴

備註: 多謝openrice 將呢個食評評為 "焦點食評"

 

 

成日話港女貪慕虛榮, 鐘意食 D 貴兼吾飽肚既野, 但系世俗認為「貴夾唔飽」既餐廳近年亦愈開愈多.

今次試了城中有點口俾的低調高級日本餐廳, 位於灣仔譚臣道的「蟹膳Kanizen」, 呢間餐廳標榜"首間日本北海道活蟹專門店"

 

 

何謂低調? 看看旁邊的福臨門再加上餐廳低調的外表, 如果不是口耳相傳, 相信沒有人會發現這裡

一進門便見到自家蟹池, 蟹蟹們還走來走去....(敢又系....可能知道佢將會比人....)

座位旁有一個小蟹缸, 很多人以為可以食的, 哈哈.

 

今次膽粗粗黎食晚餐, 佢地有幾款 set dinner , 今次點左海膽蟹套餐 ($1450/位) .  當然, 我是一個酒鬼, 另外點了一枝細Sake   (注意: 佢地既Sake 同梅酒大部份系大樽裝)

 

工具齊備! 準備開壇!!!

 

 

第一道是魚子海膽蟹肉, 個隱裝蟹肉系肥嘟嘟既北紫海膽底.

 

 

 

第二道是日本餐長期菜式----日式蒸蛋, 但今次完全比表面果兩位朋友蓋過風頭!

 

 

第三道, 系時候要"露一腿", 燒蟹腳配燒海膽, 肉質偏清而多汁

 

 

 

再黎個近鏡

 

 

呢度個服務員真系好好, 每道菜都會解釋之餘, 仲會建議你可以點樣食, 好似下面呢個三層塔

 

 

第一層同第三層的朋友大家都好熟悉, 而中間果層系充滿創意既"蛋黃"天婦羅!

 

食之前, 服務員已經叮囑天婦羅是新鮮整好, 所以入面既蛋漿好熱, 食既時候亦會好似爆漿敢爆出黎, 其實果刻好難以想像"爆漿天婦羅"系點, 一食果下..... 嘩~個皮好薄, d 蛋漿又爆又流, 個心情真系好複雜 =D

 

 

到了main course, 有兩種煮法比你選擇, 一系燒, 一系sabu sabu.

 

最後選擇左 sabu sabu,  整張大合照先!

 

 

 

蟹鉗同腳就做火鍋, 而殼同膏呢? 就系用黎煮粥!

 

 

 

系等待既過程中, 旁邊呢堆小朋友一邊望住個爐, 一邊表現出極度無奈同不安...........

 

 

 

成個火鍋真系好正, d 蟹肉多肉,清甜, 其實如果隻蟹好野, 點煮都好食!

 

最後黎個"杰杰地"蟹膏粥, 正 !!!!

 

 

呢一餐價錢有d離地, 如果好想試佢地都有午市套餐400-500元一位.

 

呢度既食材比好多所謂既明星餐廳好, 所以老土講句, 門面, 宣傳系重要, 但最後仍然系內涵,實力取勝!

西環舊區現代式清新cafe 《Artisan Room》

在香港大學B2出口步行2分鐘，於石塘咀這個舊社區小巷中，開了一間柔合現代與藝術的cafe, 除了以巨型冰滴咖啡儀作為鎮店之寶外，並引入意大利逾百年歷史的咖啡品牌Costadoro。

Cafe除了露天區域外，內裡設計亦以簡約為主，周圍只有一張容納十多人的大枱，襯上高樓底和極具特色的藝術品，令人在這個寧靜的區域中，吾使等一個人都可以享受到優質咖啡。

店內供應由藍帶餅師製作的éclair及pound cake，其餘還有多款法國Løv有機茶、西班牙有機果汁可供選擇。

不過⋯今次時間關係，只嗜了Americano (tall size $32) ,然後選擇了戶外的梳化位，貪佢有綠葉包圍，工作人員將咖啡慢慢遞過來，杯身設計盡顯心思，價錢比 Starbucks 便宜，用的糖是 coconut sugar, 最後我與周圍的環境融合，拿起手機，化身偽文青⋯

Artisan Room

地址：西環南里8-12號

電話：2656 3198

#Artisanroom #西環 #南里 #咖啡 #藝術 #hea下 #扮文青 #偽文青 #cafe #artistic